چاولا، ارجن: سنڌي ٻوليءَ جو مشهور اديب ۽ شاعر ارجن چاولا جو پورو نالو ارجن گاهي مل چاولا آهي. هن جو جنم 10 فبروري 1921ع تي، ڪشمور، ضلعي جيڪب آباد، سنڌ ۾ ٿيو. سندس تعليم ايم. اي (انگريزي)، بي. ايڊ، ڊي. ايس (عليڳڙهه) آهي.
ورهاڱي بعد لڏي وڃي ڀارت ۾ وسيو ۽ تعليم ۽ تدريس سان لاڳاپيل رهيو. ڪافي عرصو اڳ پرنسپال مڌيه پرديش ايجوڪيشنل سروس تان رٽائر ڪيو اٿس. انگريزي شاعريءَ ۾ جي مئگزين SKYLARK- India جو ايڊيٽر رهيو آهي.
سندس سنڌي شاعريءَ جا تي ڪتاب ڇپي چڪا آهن:
(1) چـارڻ چـوريـو چـنـگ (1987ع)، (2) اُڀـريـا عـڪـس هـــزار (2001ع)، (3) احساس جي آهٽ (2009ع).
ارجن چاولا کي ڪتاب ’چارڻ چوريو چنگ’ تي C.H.D طرفان ۽ ڪتاب ’اُڀريا عڪس هزار‘ تي NCPSL (نيشنل ڪائونسل فار پروموشن آف سنڌي لئنگئيج) طرفان روڪ انعام ملي چڪو آهي. ارجن چاولا نئين بستي، عليڳڙهه ۾ رهي ٿو.
1921.02.10 عيسوي
سنڌي ٻوليءَ جو مشهور اديب ۽ شاعر ارجن چاولا جو پورو نالو ارجن گاهي مل چاولا آهي. هن جو جنم 10 فبروري 1921ع تي، ڪشمور، ضلعي جيڪب آباد، سنڌ ۾ ٿيو.